BENGALA Teatro Físico somos unha compañía formada por artistas multidisciplinares que aposta por novas linguaxes dende unha perspectiva social e de xénero cun obxectivo: reflexionar a través da arte, aspirando a ser paridoras de preguntas. Vivimos nun mundo convulso que demanda afondar e achegar luz ás problemáticas sociais máis alarmantes.
Cremos no teatro como un espazo onde é posible investigar e trasladar todas estas cuestións á sociedade, creamos dende os View Points e construímos a dramaturxia dende a pregunta: Por que se precisa esta obra agora?
An González (A Estrada, 1995). Co-xestora da compañía · Directora, dramaturga e posta en escena.
Andrea Maseda (Muimenta, 1993). Co-xestora da compañía · Actriz e creación audiovisual.
Alicia Wants To é unha mestura de realismo máxico e crueza social que nos conta a historia de Alicia, unha adolescente que sae dun centro de menores e se reencontra con súa nai, Juana. Ambas son mulleres da marxe, da fronteira, do borde, que tratan de sobrevivir nunha sociedade atravesada pola exclusión social, os abusos, a pobreza e un sistema xudicial que non protexe ás minorías.
Para afondar na idea de que non todos nacemos coas mesmas posibilidades a historia está construída a través dunha partida de xadrez, a partida de Alicia, na que ela xoga as brancas pero non conta con todas as pezas. Neste contexto, o público é parte activa e elixirá -votando co seu programa de man- algunha das decisións que ten que tomar Alicia.
A dramaturxia está inspirada libremente en referencias como Alicia no país das marabillas e na película Mommy de Xavier Dolan.
DIRECCIÓN E DRAMATURXIA AN GONZÁLEZ ELENCO ANDREA MASEDA · ESTRELLA TOMÉ · ESTELA DEL RÍO · ALEXIA VILLAR ILUMINACIÓN JORGE LÓPEZ ASESORÍA TEATRAL REY MONTESINOS CREACIÓN AUDIOVISUAL ANDREA MASEDA ELENCO PROXECCIÓNS OLIVIA ARGUDO · CHRISTIAN TOIMIL VOZ EN OFF MANO PARDO · ANDRÉS GONZÁLEZ · PAULA MASEDA · TERESA RODRÍGUEZ · XOSÉ VALCÁRCEL · IVÁN GÓMEZ VESTIARIO ELISA DÍAZ · FIXENÖEU ESCENOGRAFÍA BORJA C. PERNAS ATREZO MIGUEL MORÁN · ERO VÁZQUEZ FOTOGRAFÍA LAURA POSE PRODUCIÓN, DISTRIBUCIÓN, DESEÑO DE ESCENOGRAFÍA E VESTIARIO BENGALA TEATRO FÍSICO COLABORACIÓN CENTRO DRAMATÚRXICO GALEGO (AO ABEIRO DO XUVENTUDE CREA 2025) · TIC LUGO · SERVIZOS SOCIAIS CONCELLO DE LUGO · CONCELLO DE SARRIA · CONCELLO DE MEIRA
